Os atletas o C.D. Egovarros-Viveiro acadaron dous ouros e unha prata no campionato galego de maratón

OS ATLETAS DO C.D.EGOVARROS-VIVEIRO ACADAN

DOUS OUROS E UNHA PRATA

NO CAMPIONATO GALEGO DE MARATÓN

O pasado domingo celebrouse na Coruña o Campionato Galego de Maratón, a competición foi organizada pola Federación Galega de Atletismo. Ás 8:30 da mañá en punto deuse a saída a máis de 1500 atletas para realizar os 42,195 km, a climatología non acompañou ós atletas, chovendo durante moito tempo, chegando ata a descargar granizo e cun vento considerable que facía aumentar moito a dureza da proba; a partir do km 30 producíronse moitos abandonos.

O clube vivariense que desplazou a 17 atletas sufríu o abandono de dous atletas debido a desfalecementos, os outros atletas remataron todos a proba, destacando o primeiro posto na categoría masculina M-50 de Emilio Martinez Anta, na categoría femenina W-60 a súa compañeira Isabel Brea tamén se proclamou campiona galega, na categoría de M-70 Antonio Cabana subíu ó podium na segunda posición, outros dous atletas de Egovarros estiveron a piques de acadar medalla, en M-60 Eliseo López foi cuarto e a súa compañeira Maria Dolores Ferreiro en W-45 tamén acadou a cuarta posición.
Remitido