Rematou en Lourenzá o curso de Benestar Animal, organizado polo Concello e impartido por ASAJA

Este venres 20 de abril tivo lugar a clausura dunha edición máis do Curso de Benestar Animal organizado polo Concello de Lourenzá e impartido pola Asociacion Agraria Xóvenes Agricultores (ASAJA GALICIA). Este curso, ao que asisitiron unha vintena de participantes tivo unha duración de 30 horas repartidas en 10 días, tivo lugar no Salón de Actos da Casa da Cultura do Concello de Lourenzá en horario de 21:00 horas a 00:00 horas. O alumnado, trala superación das probas finais, obtiveron desta maneira os dous certificados esixidos ao abeiro da normativa vixente tanto de Transporte de Animais Vivos coma de Benestar en Granxas e Expoltacións.
O punto e final a este curso poñeráselle o próximo venres, cunha cea organizada polos propios alumnos e alumnas e á que tamén asistirán os docentes do curso e algún representante do Concello.
Debido á gran demanda por parte dos titulares de granxas, transportistas, persoal de matadoiros, cazadores e demais persoal implicado neste sector de toda a comarca o Concello de Lourenzá espera poder volver ofrecer un novo curso deste tipo nas vindeiras datas. A xente interesada en inscribirse neste curso poderá facelo poñéndose en contacto co Concello de Lourenzá e así poder reservar a súa praza, xa que cada curso ten un número limitado destas.

Remitido