A escola do club de tenis de Foz para clausurou a tempada cun torneo no tomaron parte 60 participantes

ANTONIO VEIGA ENTREGOU OS PREMIOS NO TORNEO DE CLAUSURA DE TEMPADA DO CLUB DE TENIS DE FOZ

Este cita deportiva prolongouse durante toda a fin de semana e nela participaron 60 alumnos de entre 6 e 14 anos

Antonio Veiga sinalou que “a escola do Club de Tenis de Foz realiza un intenso traballo de base, proporcionando aos nenos e nenas da Mariña a oportunidade de practicar un deporte como o tenis”

Foz, 28 de maio de 2012. O vicepresidente da Deputación e responsábel das Áreas de Deporte e Benestar Social, o nacionalista Antonio Veiga, entregou na mañá de onte os premios ós gañadores do torneo que organizou o a escola do Club de Tenis de Foz para clausurar esta tempada, así como camisetas e agasallos para todos os participantes.

Este torneo de tenis, que se prolongou durante toda a fin de semana, foi disputado entre alumnos da mesma, divididos en catro grupos por idades e nivel de xogo, quedando gañadores: Álvaro López, no grupo A; Pascual Fernández, no grupo B; Gautama Vázquez, no grupo C, e Dani García, no grupo D.

Un ano máis a escola de tenis contou cunha gran participación, pasando por ela 60 alumnos de entre 6 e 14 anos; dos cales moitos xa participan en competicións oficiais por todo Galiza.

Antonio Veiga sinalou que “a escola do Club de Tenis de Foz realiza un intenso traballo de base, proporcionando aos nenos e nenas da Mariña a oportunidade de practicar un deporte como o tenis”.