A agrupación teatral Adora, composta integramente por mulleres de San Ciprián, será a encargada de poñer o peche ao programa Maio Cultural. A obra elixida é “Nécoras verdes”, dirixida por María Paz Rodríguez Silva e con guión de Francisco Piñeiro. O reparto está conformado por sete mulleres que contan as súas respectivas historias vitais. Será o sábado día 26, ás 20:30 horas no Auditorio da Casa da Cultura de San Ciprián.