Sumándonos á celebración do día das Letras Galegas (que para nós son 365 días no ano) a Sociedade Cultural Ledicia organiza para o vindeiro sábado 19 de Maio o III SERÁN no que os amantes da música tradicional terán ocasión de compartir espazo e experiencias. Será no centro de asociacións de Burela -antiga praza de abastos- a partir das 21:30 h.
Asimesmo, e pensando xa no verán, Ledicia ven de convocar o Concurso de Carteis para a XXVIII FEIRA DO BONITO que agardamos poder celebrar o vindeiro sábado 4 de agosto. O prazo de presentación dos traballos estará aberto ata o vindeiro 7 de xuño, e poden solicitar as bases no mail lediciascr@gmail.com ou no local social da entidade.