VOLTAN OS DOMINGOS A PÉ CO ROTEIRO DO RÍO LANDRO-VIVEIRO. SERÁ O 3 DE XUÑO. ESTA ACTIVIDADE ESTÁ ORGANIZADA POLO CIM E POLA CONCELLARÍA DE IGUALDADE.
Ribadeo, 26 de maio de 2012. O vindeiro 3 de xuño voltan os Domingos a pé, que organizan a Concellaría de Igualdade e o Centro de Información ás Mulleres. O lugar elexido para disfrutar desta actividade é o roteiro do río Landro-Viveiro.
Desde o CIM apuntan que “volta ese tempo noso, só das mulleres adultas da casa, un tempo para nós, para compartir con outras veciñas e amigas as nosas preocupacións, para evadírmonos das tarefas diarias cotirás, para rírmonos un pouco e facer exercizo. Así buscamos ese tempo propio tan difícil de conseguir no caso das mulleres sometidas á xornada laboral e á compatibilización da mesma coas tarefas domésticas e ás veces coa tarefa engadida de coidados das persoas maiores da casa. Esa dupla e triple xornada require un respiro. E as veces non somos capaces de facelo”.
Os Domingos a pé chegan cargados de relax, emocións e novas fazañas. O 3 de xuño discorrerá polo roteiro do río Landro-Viveiro. A saída será ás 11 horas desde a estación de tren de FEVE en Ribadeo. Desde o CIM indican que “como sempre tedes que levar a comida e roupa cómoda. O custe do billete do tren anda arredor dos 8,20 euros, que se reduce á metade para as persoas maiores que contan coa tarxeta azul”. Ademais do roteiro polo río Landro as participantes darán un paseo polo casco histórico para coñecer mellor Viveiro.