A BIBLIOTECA PROVINCIAL NODAL ENTREGA O PRÓXIMO DÍA 29 DE XUÑO OS PREMIOS AOS ESCOLARES GAÑADORES DO CERTAME DE DEBUXO E REDACCIÓN LETRAS GALEGAS
Un total de 23 nenos e nenas recollerán os premios e accésits outorgados polo xurado que presidiu José Carlos Rodríguez Andina, xefe de coordinación da Área de Cultura da Delegación Territorial de Lugo
Lugo, 24 de xuño de 2012.- A Biblioteca Provincial Nodal de Lugo, dependente da Consellería de Cultura, Educación e Ordenación Universitaria, será escenario o próximo venres 29 de xuño da entrega dos premios do Certame de Debuxo e Narración Letras Galegas 2012, no que concorreron traballos seleccionados nas respectivas fases locais convocadas por 20 bibliotecas públicas municipais da provincia e o propio centro ubicado na capital lucense.
O acto de entrega de premios desenvolverase no salón de actos do centro a partir das 17.00 horas. Os premiados foron outorgados logo das deliberacións dun xurado que estivo encabezado por José Carlos Rodríguez Andina, xefe de coordinación da Área de Cultura da Delegación Territorial de Lugo. Actuaron como vogais Marisol González Regal, directora da Biblioteca Provincial Nodal; Jaime Santoalla Varela, inspector de Educación, sendo secretario o xornalista Xulio Xiz.
Recollerán os seus premios e accésits un total de 23 nenos e nenas, divididos en tres categorías por tramos de idade. A primeira, categoría A, engloba aos participantes de ata 8 anos; a categoría B, a escolares de 9 a 11 anos, e a categoría C, a rapaces de 12 a 16 anos.
A relación de premiados é a seguinte:
NARRACIÓN
Categoría A (Ata 8 anos):
Antía Lillo Irimia. 8 anos. Biblioteca de Lourenzá
Paula Espín García. 8 anos. Biblioteca Provincial Nodal
Ánxela Fernández Otero. 5 anos. Biblioteca de Antas de Ulla
Accésits:
Sandra Mariño Mourelle. 7 anos. Biblioteca de Antas de Ulla
Marco Fernández Folgosa. 6 anos. Biblioteca de Foz
Categoría B (9 a 11 anos):
Javier Álvarez Méndez. 10 anos. Biblioteca de Lourenzá
Antía Montes Coego. 11 anos. Biblioteca de Antas de Ulla
María Pérez Vior. 11 anos. Biblioteca de Foz
Accésits:
Raquel Eiras Lombardero. 11 anos. Biblioteca Provincial Nodal
Claudia Ares Vila. 10 anos. Biblioteca de Monforte
Categoría C (12 a 16 Anos)
Codés Lillo Irimia. 14 anos. Biblioteca de Lourenzá
Lorena Barrera López. 14 anos. Biblioteca de Burela
Uxía Fernández Vázquez. 12 anos. Biblioteca de Barreiros
Accésits:
Marina Riesco Amurrio. 15 anos. Biblioteca Provincial Nodal
Lucas López Macía. 12 anos. Biblioteca da Pobra do Brollón
DEBUXO
Categoría A (Ata 8 anos):
Laura Rodríguez González. 7 anos. Biblioteca de Sober
Sara Álvarez Civeira. 6 anos. Biblioteca Provincial Nodal
Brais Fernández González. 7 anos. Biblioteca de Quiroga
Categoría B (De 9 a 11 anos)
Paula Barreiro Rodríguez. 10 anos. Biblioteca Provincial Nodal
Nicolás López Argiz. 11 anos. Biblioteca de Monforte
Mónica Díaz Fraga. 10 anos. Biblioteca Provincial Nodal
Categoría C (12 a 16 anos)
Marina Riesco Amurrio. 15 anos. Biblioteca Provincial Nodal
Irene Rico Gómez. 12 anos. Biblioteca de Burela
Lorena Neira Rodríguez. 16 anos. Biblioteca da Pobra do Brollón
Os premios están dotados con cadansúa estatuíña de Sargadelos, diploma e lote de publicacións. Os accésits, que se conceden en razón da calidade e cantidade dos traballos presentados, con diploma e lote de publicacións.