Site icon Crónica3.com A Mariña

Alumnos do IES Perdouro retiraron 14 sacos de lixo da costa entre o Berbés e o parque do Cantiño en Burela

CATORCE SACOS DE LIXO FORON RETIRADOS POLOS ALUMNOS DE 4º DE ESO DO IES PERDOURO DA COSTA DE BURELA NO TREITO COMPRENDIDO ENTRE O BERBÉS E O PARQUE DO CANTIÑO. A ACTIVIDADE REALIZÓUSE COINCIDINDO COA CELEBRACIÓN DO DÍA MUNDIAL DOS OCÉANOS.

Burela, 9 de xuño de 2012. Vintecinco rapaces do IES Perdouro de 4º de Eso participaron en tarefas de limpeza da costa entre o Berbés e o parque do Cantiño, acompañados de monitoras da aula medio Gaia e de profesores do centro.

No seu percorrido atoparon redes, cordas, restos de madeira, envases de plástico e de vidro, adenáis doutros obxectos de grande tamaño como boias ou neumáticos.En total recolleron 14 sacos de lixo acumulado en todo eses treito de costa.

O obxectivo desta actividade, que se desenvolveu na xornada de onte, foi ampliar os coñecementos que os alumnos teñen sobre o litoral, a súa riqueza natural e o papel que desempeña no equilibrio ecolóxico do planeta. Identificar os efectos que as actuacións humanas ocasionan nas costas. Concienciar sobre a importancia do medio litoral, a súa fraxilidade, e a necesidade da súa conservación.

Tamén espertar nos alumnos o interese polo medio ambiente e a súa problemática actual. Impulsar actitudes positivas hacia o uso sostible dos recursos. E implicar  ao alumnado no descubrimento da riqueza natural que encerra o noso litoral.

A concelleira de Medio Ambiente, Patricia López Eijo, da as gracias  “ao profesorado (Bríxida e Faustino) e as monitoras do Centro Gaia  pola súa  participación e  a implicación  na actividade e polo desexo de que   que ésta se repita en anos sucesivos coincidindo co día mundial dos océanos”. E engadiu que “estamos moi satisfeitos do interese e a motivación espertada entre o alumnado”.

Exit mobile version