MENTIRAS NOXENTAS?
Mentiras. Mentiras rancorosas, mentiras vergoñentas, mentiras disfrazadas, mentiras con odio, mentiras piadosas… Mentir esta moi barato por estas datas. De diferente persoas, de diferentes clases, pero todas ocultan a verdade. E ás veces pregunto eu: Que significa a verdade? Porqué nos molesta tanto que nola escondan detrás de palabras traizoeiras?. Moitas veces refuxiámonos na ignorancia, non queremos saber o que pasa realmente, tapámonos cun cobertor ficticio como o neno asustado na noite, coma se iso nos protexese…Entón porqué reprochamos tanto a quen nos menten?
Salta á vista que existen moitas mentiras, pero se alguén nos intenta protexer ocultándonos información, esta claro que é un mentireiro, pero nos traizoou, é o noso amigo ou se cadra é algo máis…? Se cadra nos molesta esa actitude sobre protectora, tal vez non vemos as intencións máis alá da mentira, ou, simplemente odiamos sentirnos vulnerables e envorcamos a nosa ira nesa persoa . Pero non é máis importante a finalidade, a razón do porque se mente, ao simple feito de levalo a cabo?
Non o entenderei nunca. A conclusión máis directa que saco tras isto, é que o enfado é a resposta automática á mentira, independentemente da razón pola que se mente. Valoramos máis o acto que as intencións que nos levan a realizalo e non o teño claro si iso nos fai algún ben.
Persoalmente sempre me preguntei se mentir para protexer é correcto e temo que nunca chegarei a unha conclusión clara. Se algunha vez o descubro prometo contárvolo, ata entón, despídome.
Otero Regal