No pasado Pleno da Corporación Municipal de Foz, aprobouse por unanimidade a moción presentada por UNIFOZ, para que a Xunta de Galicia se comprometa a posta en marcha do saneamento da parroquia de San Acisclo, parado dende fai oito anos.
Tamén se aprobou co voto favorable do PP o recoñecemento extraxudicial de facturas por importe de máis de 500.000 €, o que demostra que este goberno do PP de Foz, é un goberno incompetente, e irresponsable, se fai dous anos criticaba ao anterior goberno por deixar fora de contabilidade 288.000 € do ano 2010, resulta que agora o PP de Foz gastou no ano 2011 máis de 500.000 €, fora de contabilidade, todo isto por gobernar sen imaxinación, sen capacidade de traballo, e facelo a golpe de talonario.
A proposta do PP de aprobar definitivamente a taxa de depuración co apoio indirecto do PSOE (abstención), os veciños terán que pagar 7 €/ bimestre a maiores no recibo da auga.
UNIFOZ votou en contra e presentou reclamación contra a taxa por considerala inxusta, e non contemplar ningunha exención en caso en que o veciño non poda conectarse tecnicamente ao servizo, ou por estar a máis de 100 metros da rede de saneamento.
Tamén queremos denunciar as palabras do Sr Alcalde de ataque directo contra os funcionarios e de forma especial contra os profesionais do ensino ao afirmar que había profesores que so traballaban 8 horas a semana, mentres un traballador da construción traballa 40 horas, así mesmo afirmou tamén que as aulas terían que ser de 35 alumnos de igual xeito que cando el estaba estudando.