Amegrove fíxose en Celeiro coa I Bandeira de Traiñeiras Deputación de Lugo

O AMEGROVE FÍXOSE COA I BANDEIRA DE TRAIÑEIRAS DEPTUACIÓN DE LUGO

Antonio Veiga, que asistiu ao evento e participou na entrega de premios, mostrouse satisfeito tanto polo grado de participación como pola deportividade coa que se viviu esta regata

Celeiro – Viveiro, 8 de xullo de 2012. O Porto de Celeiro de Viveiro acolleu, na mañá de hoxe, a final da I Bandeira de Traiñeiras Deputación de Lugo, á que asistiu o vicepresidente do ente provincial e responsábel das áreas de Benestar Social e Deporte, o nacionalista Antonio Veiga, e na que o Amegrove resultou vencedor.

A tripulación amarela, patroneada por Andrea Montero, despois de gañar a contrarreloxo disputada onte, fíxose con esta I Bandeira de Traiñeiras da Mariña, con casi 10 segundos de diferenza respecto á Chapela, que quedou segunda clasificada.

O vicepresidente da Deputación, que asistiu ao evento e participou na entrega de premios, mostrou a súa satisfacción tanto polo grado de participación como a deportividade coa que se viviu esta regata e felicitou aos remeiros que tomaron parte nela.