O vindeiro domingo, 12 de agosto, a partires das 22 horas Davide Salvado deleitará aos asistentes cos cantos populares que recolle polas aldeas de Galicia, Asturias ou Castela-León. O artista barreirense Celso Dourado sinalou que “Davide Salvado é un grande renovador do canto popular galego. É unha persoa realmente incrible, soe cantar acompañado de percusión, como o bodhran, o pandeiro ou a pandeireta, da cal precisamente é un dos grandes maestros”. Davide Salvado foi voz durante un tempo do grupo de Xosé Manuel Budiño, “co cal alcanzaran un gran renome”.
