Un centenar de participantes concorreron na 5ª Carreira Popular que tivo lugar na mañá do 15 de agosto. Houbo participación moi variada en idades e achegáronse a Foz non só moitos focenses con gañas de practicar deporte, senón persoas doutras localidades próximas e tamén persoas que pasan as súas vacacións nesta zona.
Despois de facer un percorrido polo fermoso Paseo de Malates, a concelleira de Deportes fixo entrega de medallas aos tres primeiros clasificados de cada categoría e trofeos ao gañador absoluto e gañadora absoluta, así como ao primeiro clasificado nativo de Foz.