Foz acollerá este domingo a sexta e última regata da competición provincial
Foz, 7 de setembro de 2012. Este domingo dispútase en Foz a sexta e última regata da II Copa Deputación de Piragüismo. Esta proba, na que hai inscritos 162 palistas pertencentes aos seis equipos lucenses participantes, será decisiva para coñecer o gañador absoluto desta competición provincial. Os que máis posibilidades teñen, ata o momento, para facerse coa copa son o Club Fluvial de Lugo, o Club Piragüismo Viveiro e o Club Kayak de Foz, anfitrión nesta ocasión.