O Concello de Viveiro apagará o alumeado das principais rúas en apoio á continuidade de Alcoa

“A DELEGACIÓN DE OBRAS DO CONCELLO DE VIVEIRO, RESPONSABLE DO ALUMEADO MUNICIPAL, APAGARÁ AS LUCES DAS PRINCIPAIS RÚAS DE VIVEIRO EN APOIO Á CONTINUIDADE DE ALCOA E DOS POSTOS DE TRABALLO NA MARIÑA”

Viveiro, 18 de setembro de 2012. Bernardo Fraga, Tenente de Alcalde de Viveiro, anunciou esta tarde que Viveiro apoiará aos traballadores de Alcoa nas súas reivindicacións en defensa da continuidade de Alcoa e na defensa dos postos de traballo na Mariña.

“A continuidade de Alcoa na Mariña é fundamental para o futuro da nosa comarca, o seu peche sería a prácticamente a defunción da Mariña tal e como a coñecemos”

“O goberno de Madrid, ten que tomar medidas urxentes, afrontar dunha vez por todas este problema coa seriedade e importancia que require, para poñer fin á incertidume existente para o futuro da factoría” declarou Bernardo Fraga.

Viveiro, levará a cabo o apagón dende ás 21.30 horas ata as 21.45 o vindeiro xoves 20 de setembro, nas principais rúas da Cidade, e facemos dende a 1ª Tenencia de Alcaldía, un chamamento a todas as veciñas e veciños da nosa Cidade, para que secunden esta iniciativa, e fagan ver, que as veciñas e veciños do noso Concello apoian maioritariamente as reivindicacións dos traballadores da factoría de Alcoa.