Ribadeo, 3 de outubro de 2012. O cabeza de lista en Lugo de Compromiso por Galicia, Iván Marrube, mantivo esta tarde en Ribadeo un encontro con representantes da Asociación de Comerciantes, Industriais, Servizos e Autónomos. Á xuntanza acudiu tamén Farruco Graña, ribadense e membro desta candidatura.
Marrube dixo que “o acto que acabamos de manter co empresariado de Ribadeo encádrase dentro da serie de encontros que estamos a ter con todos os colectivos representativos da provincia de Lugo para amosarlles as nosas liñas programáticas, para escoitar as súas inquedanzas e para aportarlles as nosas solucións, aquelo que lles podemos ofrecer para que melloren as súas condicións, cada un no seu ámbito”.
O cabeza de lista por Lugo de Compromiso por Galicia engadiu que “tamén lles amosamos a vontade que temos de facer políticas diferenciadoras con respecto ao que hai na actualidade. Nós somos unha formación política non ao uso, cun compromiso claro coma o asinado o martes en Lugo ante notario”. E lembrou que “nós dimitiremos ao día seguinte si somos imputados xudicialmente, só estaremos nos cargos oito anos, ímonos someter cada dous anos a un referéndum público dos cidadáns para que poidan decidir si seguimos ou non seguimos e unha serie de compromisos que amosan clara e inequívocamente a nosa vontade de facer unha política distinta e realmente comprometida coa cidadanía”.
Compromiso por Galicia continuará con estes encontros “porque o noso lema é ser a voz da sociedade e encádrase perfectamente nos puntos fortes do noso programa que son a educación, o benestar, a saúde, os servizos sociais e o tecido produtivo, a inversión real en sistema produtivos que xeneran riqueza”.