Nun Foro co sector pesqueiro, os populares lucenses anunciaron
Na vindeira lexislatura afrontaremos o reto da comercialización dos productos pesqueiros
Un concurrido e participativo Foro que contou con preto de 200 asistentes e no que se responderon as súas peticións e suxerencias
Os populares repasaron as principais xestións desenvolvidas no tocante a náutica deportiva e a pesca, dando conta das principais propostas de futuro
En relación á comercialización cos productos da pesca, afirmaron os populares que o proxecto do actual decreto está pendente do informe por parte do Consello Consultivo
Nun concurrido e participativo foro, ao que asistiron preto de 200 representantes relacionados co sector da pesca, os populares repasaron as principais xestións desenvolvidas no tocante a náutica deportiva e a pesca e lanzaron as principais propostas de futuro, anunciando as súas apostas pola comercialización dos productos pesqueiros, explicando que o proxecto actual do decreto está pendente do informe por parte do consello consultivo.
“Queremos seguir recuperando a ilusión do mar” manifestaron os populares, quenes matizaron que, malia que non chega a muralla somos o 25% do mar en Galicia”.
Lembrou o PP que o seu partido preocúpase por un sector estratéxico que os socialistas deixaron de lado e lembraron a presenza dos populares lucenses ao fronte da Portavocía de pesca no Congreso e Parlamento para solventar todas as súas problemáticas e velar por eles.
Criticaron os populares que no mar faltaron os 8 anos do Goberno de Zapatero; uns socialistas que anunciaron a bombo e platillo medidas a favor da pesca pero que quedaron simplemente en mera palabrería. Froito destas mentiras e enganos, este sector perdeu a confianza , algo que está a recuperar con Goberno do Partido Popular.
Afirmaron os populares que Administracións e sector teñen que traballar unidos e manifestaron que está a recuperar esa confianza perdida pola mala xestión dun partido socialista.
Un foro no que tamén se trataron temas como as cuotas, a política pesqueira común, o novo decreto de náutica deportiva, así como as tripulacións mínimas e a normativa de botiquines.