En Ribadeo celebrouse, pola tarde, unha manifestación que comezou no Cantón as cinco da tarde discorrendo polas rúas pedestres, as catro rúas cara o centro de saúde. Foto: Servicios Audiovisuales Elfarero
A manifestación de Burela partiu de Vista Alegre pasadas as 12 da mañá
“Estanos roubando, temos que paralos”, así rezaba o texto dunha das pancartas que portaban manifestantes que participaron na marcha que partiu da zona de Vista Alegre, en Burela, con motivo da folga xeral do 14N. Centos e centos de veciños de A Mariña concentráronse nese punto ata que se iniciou a marcha, a que se foron sumando ducias e ducias de persoas durante todo o percorrido.
Os manifestantes portaban pancartas de protesta, descontento e indignación, con lemas como “Non é unha crise é unha estafa”, “A mocidade galega coa folga xeral”, “As mulleres coa folga xeral. Xuntas podemos!!” e outros lemas e de distinta índole.
Cando a cabeza da protesta enfilaba a rúa Pardo Bázán, no centro da vila, aínda permanecía chea a rúa Eijo Garay, e a cola da manifestación atopábase en Arcadio Pardiñas, a avenida que atravesa a vila.
Todo o traxecto discorreu sen incidencia algunha, en medio de berros de consignas de protesta e estoupidos de petardos. Finalmente, a marcha rematou diante da oficina de emprego.