Barreiros acolleu o III Aberto de Flores da LNB que se celebrou en San Miguel

4ª xornada de LNB NorLeste. Domingo 18 novembro 2012

Un “Bull” andibo ceibo en San Miguel

As choivas deron un respiro o domingo permitindo que o “III Aberto de Flores” correspondente a IV xornada da Liga Nacional de Billarda 2012-13, se poidera celebrar o aire libre en San Miguel. O radiante sol, que o comezo da tarde lanzaba seus raios ferintes contra os ollos dos palanadores, foi apresa desaparecendo para deixar paso a unha brisa fría que de súpeto nos lembrou a todos que o inverno está as portas.

As poucas horas de luz engadíase desta volta a dificultade dun terreo de xogo que facía imposible asegurar un bo golpe e imprevisible o voo da billarda, casi sempre contrario os desexos do palanador. Para axilizar e dar acabado ca luz natural montáronse tres pistas simultaneas nas que 53 bravos loitadores pelexamos deportivamente polas cestiñas de castañas que agardaban os campiós da xornada.

Do mesmo xeito que a xornada pasada nos acompañaron o equipo dos “Corredoira”, desta volta foron os “Gharabotos” quenes participapron con nos no aberto e con moito acerto. Conseguiron, xunto cos “Remourelle Bulls” ser o millor equipo da xornada (os dous con 30 Puntos).

As xa comentadas dificultades do terreo de xogo puxeron en apuros aos palanadores que unha e outra vez se vían sorprendidos polos irregulares e inagardados brincos das billardas. Outros peró, estiveron mais avispados e aguantaron moi ben o tipo.

Somentes un xogador fixo pleno nesta difícil xornada: Marcos dos “Remourelle Bulls” acabou con tódolos opoñentes que o sorteo lle deparou (10 puntos de 10 en xogo) e rubio chanzo a chanzo o mais alto do caixón de vencedores amosando un sorriso na faciana e ca satisfación do deber cumprido. Un primeiro posto moi loitado e merecido que dende fai tempo viña teimudamente perseguindo e acadou finalmente en San Miguel.

Con 9 puntos remataron Elena de “Os Outros” e Markytos de “Billardeiros Musicais”. No desempate foi o bicampión nacional quen se fixo co 2º caixón rematando Elena como 3ª da xornada.

Os especialistas en varados e malia que a pista non era demasiado longa, desta volta non o tiveron doado, asi e todo ainda se conseguiron cinco varados na xornada.

Chegados ao remate e xa todos cheiños de frio e metidos na noitiña, Manolo Flores como xefe de ceremonias fixo a entrega dos tres cestiños de castañas e dos trofeos correspondentes os vencedores do aberto.

Apretánse as clasificacións xerais na cabeza que quedan así:

Individual: Charli e Richar 33 p., Daniel e Oscar 31 p., Eric, Marcos e Regueiro 30 p., Guille e Martiño 29 p., Flores 27 p., Elena e Geni 26 p.

Equipos: Os Outros 120 p., Billardeiros Musicais 113 p., Tropa Lixeira 108 p.
Varados: Eric e Regueiro 4, Charli 3, Daniel, Martiño Muriego e Oscar 2.

A vindeira cita será o 1º de decembro na Universidade Laboral de Xixón, donde tentaremos revalidar título e seguir ca custodia da Copa Cantábrica fronte a selección asturiana do CNL, (Conceyu Nacional de Liriu).