O REAL CLUB NÁUTICO DE RIBADEO FORMARÁ PARTE DA FUNDACIÓN DE TURISMO COSTA DE LUGO. MARIO COTO SERÁ O seu VICEPRESIDENTE.
Ribadeo, 30 de novembro de 2012. Mario Coto, presidente en funcións do Real Club Náutico de Ribadeo, será o vicepresidente da Fundación de Turismo Costa de Lugo, que se atopa en fase de constitución. Desta fundación formarán parte diferentes organizacións empresariais, entidades mercantís e empresarios a título individual, ademais doutros colectivos cos que puidesen establecerse fórmulas de colaboración co obxectivo de fomentar e promover o turismo na costa lucense e a súa contorna.
A Fundación de Turismo Costa de Lugo estará presidida por Manuel Vicente, responsable de Aturmar (Asociación de Turismo Rural da Mariña). Entre as actividades que organizarán figuran: eventos e actividades turísticas de interese económico, social, cultural e medio ambiental; potenciar e arroupar calquera iniciativa que se estime adecuada para o impulso do turismo na costa de Lugo; dinamizar o movemento asociativo e de colaboración empresarial; captar e atraer investimentos viables que poidan contribuír ao desenvolvemento e impulso turístico nesta zona, así como dirixirse aos poderes públicos con iniciativas e propostas que redunden en beneficio de devandito sector.