OS PUPILOS DE LUCAS LEVARON O DERBI LUGUÉS DE TERCEIRA (4-1)
O Burela FS Pescados Rubén B recibirá 2013 nunha meritoria dinámica tras levar o derbi lugués en Terceira División. Os pupilos de Iván Cao, Lucas, impuxéronse con solvencia ao Vilalba FS na casa (4-1), nun encontro no que xa tomaron a dianteira nos primeiros minutos.
Carlitos foi o responsable da primeira ledicia da tarde en Vista Alegre, inaugurando o luminoso xa no minuto 4. Os laranxas tiveron que conformarse con marchar ao tempo de descanso coa axustada distancia do 1-0. Á volta, a portería vilalbesa conseguiu resistirse ata o 29, cando Arón apareceu para subir o 2-0. A falta de dous minutos, Rodrigo acurtou vantaxe, pero Keko erradicou calquera vacilación no marcador por partida dobre, no 39, cunha xogada rápida, e no 40, a porta baleira, co 4-1 final.
Ficha técnica
Burela FS B: Brais, Bruno de Nois, Carlos, Souka e Keko; tamén xogaron Xoia, Arón e Pichi
Vilalba FS: Ismael, Iago, Rodrigo, Aitor e Luis; tamén xogaron Ismael Vázquez, Óscar; Paulo e Joel
Goles: 1-0, minuto 4, Carlos; 2-0, minuto 29; Arón; 2-1, minuto 38, Rodrigo; 3-1, minuto 39, Keko; 4-1, minuto 40, Keko.
Árbitros: Naray Álvarez e Rivas Fouz