O club de tenis de Foz celebrará o torneo de nadal no pavillón de Os Castros en Cangas

ANTONIO VEIGA PRESENTOU O II TORNEO DE NADAL PISTA RÁPIDA DO CLUB DE TENIS DE FOZ

Os días 28, 29 e 30 de decembro o pavillón de “Os Castros” de Cangas de Foz acollerá este conxunto de partidos de tenis nos que se disputará o absoluto masculino

Foz, 20 de decembro de 2012. O vicepresidente da Deputación de Lugo e responsábel das Áreas de Benestar Social e Deporte , o nacionalista Antonio Veiga, participou no acto de presentación do II Torneo de Nadal Pista Rápida, organizado polo Club de Tenis de Foz en colaboración coa Área de Deporte do organismo provincial.

O pavillón de “Os Castros”, en Cangas, acollerá os días 28, 29 e 30 de decembro este conxunto de partidos de tenis, que segundo explicou Veiga “ofrecen unha programación deportiva atractiva coa que as mariñás e os mariñáns poderán disfrutar durante estas datas de Nadal, así como todos aqueles foráneos que decidan acercarse ata Foz a vindeira fin de semana”.

O venres día 28 haberá partidos pola tarde apartir das 17:00 horas, mentras que o sábado 29, os partidos disputaranse durante todo o día. Para o domingo 30, a partir das 10:00 horas, está previsto un clinic aberto a todas as idades, impartido polos finalistas do torneo, e tras o cal se celebrarán as semifinais masculinas absolutas. Durante a tarde haberá un partido exhibición de tenis en cadeira de rodas, un partido exhibición feminmino no que participarán as mellores xogadoras de Galicia e Asturias, e a última hora disputarase a final absoluta masculina, habendo trofeos para o finalista e o segundo clasificado.