A Asociación de Axuda ó Enfermo Mental “A Mariña” elaborou de forma artesanal uns centros solidarios para conmemorar o día de San Valentín. Foi un dos resultados do obradoiro de Foami, un taller no que se traballan habilidades cognitivas, memoria ou concentración. A directora técnica xeral, María José Novoa, agradece a colaboración da Floristería Alecrín por axudarlles no proceso de venda e facendo partícipes a todos os seus usuarios. Esperan que os centros solidarios acompañen mañá a moitas parellas de namorados, o cal contribuirá nun aumento de autoestima das persoas encargadas de elaboralos.
