O mago Teto pecha este xoves 28 de febreiro na Sala Castelao de Lugo o ciclo ‘Febreiro Máxico’ que contou coas actuacións de magos lucenses tódolos xoves do mes. A actuación dun dos magos máis veteranos, orixinais e cun perfil máis completo –ademais de ser un habitual na televisión- desenvolverase novamente ás once da noite e terá un custe de 5 euros. A programación habitual da sala complétase o 1 de marzo coa celebración do novo ano romano. O sábado Ripper Ground, pecharán a programación da sala cun concerto do seu primeiro disco de punk rock ‘Manual para animales inconformistas’ a partir das once e media da noite.
