As Concellarías de Desenvolvemento Local e Mocidade poñen en marcha o programa Ribadeo Emprende co obxectivo “de propociar a cultura emprendedora na mocidade”. A primeira actividade ten lugar este venres ás oito da tarde na Casa da Xuventude. Trátase do Pecha Kucha que é un formato de presentación rápida. No acto presentaranse iniciativas emprendedoras que unen creatividade e desenvolvemento do territorio. Van participar experiencias empresariais, a meirande parte de Ribadeo, coma: Tenda – Bar A Modiño, El Farero Audiovisual, Pizzería-Raxería Pizzbur, Hola Ola, Chocolates Moreno e Forestales Monra.
