Que no lugar de Fontao, lugar de Ponte Vella, dende fai anos hai unha ponte sobre o río Ouro, en estado ruinoso, e ata perigoso.
Que a mencionada ponte, foi unha importante vía de comunicación para o lugar de Trasmonte (Sta Cecilia).
Que o río Ouro é unha das riquezas paisaxísticas , piscícola, e turístico que ten o noso pobo, e polo que consideramos necesario a súa posta en valor.
Por todo o anteriormente exposto, o grupo municipal de Unifoz, solicita do Pleno da Corporación Municipal a aprobación do seguinte ACORDO:
Solicitude á Xunta de Galicia , Consellería de Medio Ambiente, a reparación integral da Ponte Vella no lugar de Fontao.
Auditoría enerxética
No día de onte o alcalde de Foz, Javier Castiñeira, presentaba os resultados dunha auditoría enerxética. Unifoz, denuncia unha vez máis o derroche do alcalde e o seu goberno, mentres a maioría dos concellos da provincia se acollen ás auditorías enerxéticas que fixo gratuitamente a Deputación aos concellos, para facer aforro enerxético, o alcalde contratou cunha empresa externa unha auditoría para o Concello de Foz que nos custará a todos os veciños, e seguimos derrochando enerxía. O goberno do PP, de Foz, ten como único obxectivo privatizar e contratar servizos con empresas que lle podían saír gratis aos veciños. Por todo isto, Unifoz presenta as seguintes preguntas:
-Cantos nos custou aos veciños de Foz a auditoría?
-A que empresa se lle encargou a auditoría?
-Cal foi o procedemento de adxudicación da auditoría?