O xoves 14 de febreiro o Parador de Ribadeo acolle a xornada “A Rede Natura en Galiza: Como preservar o seu futuro? Ás nove e media da mañá o alcalde do municipio, Fernando Suárez Barcia, a eurodeputada do BNG no Parlamento Europeo, Ana Miranda e a directora xeral de Natureza e Biodiversidade da Comisión Europea, Pia Bucella, serán os encargados de abrir esta xornada. Xa ás dez da mañá celebrarase a mesa redonda “As Catedrais, valor medioambiental e potencial económico.Unha aposta desde a sustentabilidade” coas ponencias de Valerià Paul Carril, profesor do departamento de Xeografía da Universidade de Santiago; Daniel Bispo, Asociación para a Defensa Ecolóxica de Galiza (ADEGA); e Martiño Nercellas Méndez, biólogo experto na Rede Natura. Cara ás doce do mediodía está prevista unha saída á Praia de Augasantas-As Catedrais.
