Foz, 1 de marzo de 2013. Segue en Foz ata o vindeiro 23 de marzo a segunda edición da Ruta dos Viños, que organiza a Asociación de Comerciantes, Industriais e Autónomos da vila. Na cita participan 29 establecementos hostaleiros. Entre os clientes que selen a tarxeta en tódolos locais sortearanse varios premios: o primeiro é de 300 euros en vales de compra e diploma de “Ruteiro Maior”, ao segundo corresponderanlle 150 euros en vales de compra e haberá 4 premios de 100 euros cada un en vales de compra para utilizar nos establecementos participantes.
O sorteo realizarase durante un programa de Radio Foz (107.4 FM) que se emitirá en directo o 26 de abril, venres, ás doce do mediodía.
Os 29 locais hostaleiros participantes son A Eskina, A Funcional, A Maseira, A Rambla, A Rula, A Viña, Bar A Bolera, Bar Acuario, Bar O Chícaro, Bar Oiche, Cafetería Dallas, Cafetería Express, Cafetería May-Ros, Cafetería Pastelería Anduriña, Cervecería Fina, Cervecería Portovello, Fraggle Rock, Hotel Restaurante Leyton, Mesón O Tangarte, Namarinos, Pizzería Xoíña, Pub O Atabal, Restaurante As Brasas, Restaurante Bar O Lar, Restaurante Costumes do Mar, Restaurante Dandy, Restaurante O Mar, Restaurante O Tangarte Mariñeiro e Restaurante Portochico.