A Xunta de Persoal da Área Sanitaria Norte de Lugo decide por unanimidade de todos os seus membros adherirse á MANIFESTACIÓN- ABRAZA O TEU HOSPITAL, convocada pola Plataforma en defensa da Sanidade Pública da Mariña para esixir a publicación dun Decreto de Xestión propio para a Área da Mariña e en contra das pretensións da Consellería de Sanidade de baleirar de autonomía ao Hospital da Costa, deixándoo sen capacidade de Xestión e de decisión, desmantelando o conseguido durante 27 anos e destruíndo o Patrimonio Sanitario de todas e todos os cidadáns da Mariña.
“A Sanidade coida de nos, e agora pídenos que “coidemos” dela, por iso facemos un chamamento a todos os traballadores e traballadoras da nosa Área Sanitaria a participar na convocatoria de SOS que terá lugar este sábado día 23 as 12.30 horas no Hospital da Costa de Burela”, explica Adolfo Corral, presidente da Xunta de persoal.