O colectivo cultural Os Aventados impulsa –en colaboración cos voluntarios da Fundación Alcoa- un novo programa de actividades para a primavera deste 2013. Os premios Árdelle o eixo e Árdelle o carro entregaranse na asemblea de socios e colaboradores – como cada ano- o vindeiro sábado 30 de marzo no porto de San Cibrao. O profesor de música laurentino, Lino Rico, e o focego Paco Rivas porán música e poemas na Casa da Cultura de San Cibrao tamén o sábado 30 de marzo a partir das oito do serán. A colección de debuxos minimalistas a favor da Federación Anarquista Ibérica, “Memoria Histórica” poderanse ver dende o 15 de marzo ata o 30 de abril nos locais socios de Os Aventados, o Pub Brunos e “El Camarote”.