Coma vén sendo habitual en todas as convocatorias, son ducias de lucenses os que xa teñen cumprimentada a súa inscrición nalgúns dos múltiples cursos que organiza a Deputación de Lugo no CENTRAD. Así, xa son 287 persoas as que solicitaron participar nalgunha destas accións formativas en apenas catro días dende a apertura do prazo. Especialmente destacada é a demanda dos cursos de xoiería, coiro, patchwork, arranxo e transformación de roupa e restauración de mobles. O prazo de inscrición comezou o día 25 de febreiro e rematará cinco días antes do comezo de cada curso. Máis información en www.deputacionlugo.org .
