Liga Senior Masculina.- Nesta categoría teñen premio e trofeo os 12 primeiros clasificados ao remate da temporada; pois ben, despois de 17 tiradas, só César Cancelos (5º) e Jose Vigo (6º) teñen asegurada a posición. O resto pode variar na última tirada que imos ter o vindeiro sábado en Sumoas.
Neste intre só tres xogadores poden optar a gañar esta edición, xa que Sócrates perdeu este tren despois dunha mala tirada, atopándose agora a máis de 13 puntos do líder, polo cal matematicamente xa non pode gañar, iso si, pode aspira inda ao terceiro posto, contando tamén cunhas remotísimas posibilidades de acceder ao subcampionato.
Dentro dos tres primeiros, Carlos Javier tirou pola borda practicamente tódalas súas posibilidades de vitoria final ao fallar na última tirada de Morás, cando tiña posibilidades de gañar ou facer o segundo posto, o que lle permitiría recortar puntos ao líder, pero non foi así, e agora a 11 puntos da cabeza e dificilísimo que poida superar a Arturo e a José Rafael na última tirada.
Polo tanto, serán con toda seguridade Arturo Vigo e José Rafael os que se disputen a vitoria final. A favor de Arturo a súa experiencia e o seu temple nos momentos de tensión; pero, Rafa xa demostrou ao longo da súa dilatada carreira que é capaz de superar momentos difíciles. Trátase dos dous xogadores con mellor palmarés no campionato: Arturo Vigo ten 12 campionatos, 3 subcampionatos e 1 terceiro posto. José Rafael ten 4 campionatos, 5 subcampionatos e 7 terceiros postos.
Para a mellor bolada do campionato están empatados Arturo Vigo e Jordi Meitín con 98 tantos, polo que seguramente terán que ir a un desempate en Sumoas.
Liga Senior Feminina.- O máis salientable deste fin de semana para esta Liga foi que Dolores Baño conseguiu adiantar a Concepción Piñeiro na clasificación e agora é terceira con 42 puntos, un máis que Concepción. Entre elas dúas vanse disputar esa terceira praza do podio. Nesta categoría teñen premio final e trofeo as cinco primeiras clasificadas; tamén para o quinto posto pelexan Salomé Bermúdez e Paula Campo, ambas con 20 puntos.
O mesmo que na categoría anterior, a mellor bolada téñena empatada Carmen Roca e Dolores Baño con 69 tantos.
Liga Sub 16.- Todo decidido na Liga Sub 16, xa que os cinco primeiros postos que dan opción a premio en metálico e trofeo xa están confirmados. Coa mellor bolada temos neste intre a Daniel López con 71 puntos, obtidos por certo esta pasada fin de semana en Morás. Tentar bater esta bolada vai ser o único aliciente nesta categoría na última tirada de Sumoas.
A vindeira tirada, e décimo oitava e última do Campionato, vai ter lugar no Centro Social de Sumoas o sábado 9 de marzo a partir das tres da tarde, rematando a xornada coa entrega de premios e trofeos.
| CAMPEONATO DE BOLOS DE CENTRO SOCIAL DE MORÁS ( 2 MARZO 2013) 32 INSCRITOS: 17 NA LIGA SENIOR, 7 NA LIGA SUB 18 E 8 NA LIGA FEMININA | |||
| CLASIFICACION | NOME | TANTOS | PUNTOS |
| LIGA SENIOR | |||
| PRIMEIRO | JOSE VIGO LAGE | 290 | 12 |
| SEGUNDO | JOSÉ BAÑO FERNÁNDEZ | 250 | 10 |
| TERCEIRO | JOSÉ RAFAEL GONZÁLEZ BERMÚDEZ | 249 | 8 |
| CUARTO | JOSÉ MANUEL COCIÑA RIVERA | 239 | 7 |
| QUINTO | CÉSAR CANCELOS LÓPEZ | 238 | 6 |
| SEXTO | ARTURO VIGO CASABELLA | 231 | 5 |
| SÉTIMO | JORDI MEITÍN SERANTES | 228 | 4 |
| OITAVO | SÓCRATES CAMPO SUÁREZ | 217 | 3 |
| NOVENO | CARLOS JAVIER RODRÍGUEZ CASABELLA | 216 | 2 |
| DÉCIMO | ADÁN RODRÍGUEZ ROCA | 210 | 1 |
| MELLOR BOLADA | JOSE VIGO LAGE | 91 | 1 |
| LIGA SUB 18 | |||
| PRMEIRO | DANIEL LÓPEZ FERNÁNDEZ | 170 | 6 |
| SEGUNDO | ISAIAS CARDOSO RODRÍGUEZ | 166 | 4 |
| TERCEIRO | SALOMÉ CARDOSO RODRÍGUEZ | 142 | 3 |
| CUARTO | HUGO PÉREZ MEITÍN | 72 | 2 |
| QUINTO | LARA RODRÍGUEZ BAÑO | 57 | 1 |
| MELLOR BOLADA | DANIEL LÓPEZ FERNÁNDEZ | 71 | 1 |
| LIGA FEMININA | |||
| PRMEIRO | CARMEN ROCA CORRAL | 209 | 6 |
| SEGUNDO | BELÉN MEITÍN ROUCO | 144 | 4 |
| TERCEIRO | DOLORES BAÑO FRAGA | 124 | 3 |
| CUARTO | PAULA CAMPO SUÁREZ | 98 | 2 |
| QUINTO | CONCEPCIÓN PIÑEIRO LÓPEZ | 90 | 1 |
| MELLOR BOLADA | CAREMEN ROCA CORRAL | 59 | 1 |