Os encargados de asinar o acordo foron Antonio Andina por parte de Eomática e o presidente de ACISA, Roberto Rivas. O período de vixencia do mesmo será de dous anos e prolongarase ata o 1 de abril de 2014. Ao finalizar, valorarase a renovación dos servizos en función dos intereses individuais ou colectivos, segundo o caso cegado o momento.
Desde Eomática apuntan que “sendo conscientes da situación actual pola cal estamos pasando as empresas de todos os sectores, a nosa proposta entendemos que é moi suxerente e ao alcance de todos para que ningún quede fóra”. O custe dos servizos que prestará Eomática aos asociados de ACISA será de 0 euros o primeiro ano e de 75 euros (IVA incluído) o segundo. A empresa explica que “este prezo inclúe a elaboración de unha web básica, con aloxamento da mesma e servizo de correo electrónico, ademais de incluír o dominio”. E, engade, que “se pode estudar algo especial no caso de necesitar unha web máis avanzada que integre outras prestacións adicionais e de servizos profesionais. Para este tipo de peticións poñémonos a disposición de calquera que desexe ampliar esta información ou avaliar outras opcións”.