3 de abril, Santiago de Compostela.- A Federación Autismo Galicia conmemora o Día Mundial de Concienciación do Autismo coa presentación de dous programas de inclusión nos eidos laboral e sanitario, dous entornos clave para que as persoas con autismo poidan desenvolver unha vida normalizada.
Coincidindo co Ano Europeo da Participación Cidadá, Antonio de la Iglesia, presidente de Autismo Galicia e de Autismo España, fai especial fincapé na necesidade de unir esforzos para lograr unha sociedade activa e participativa para alcanzar a verdadeira igualdade dun colectivo numeroso aínda que descoñecido en gran medida.
A denominación Trastornos do Espectro do Autismo (TEA) comprende un conxunto de síndromes neurobiolóxicos que afectan a 1 de cada 150 nenos en idade escolar. Estímase que só en Galicia, arredor de 2.000 persoas presentan un destes trastornos crónicos, que afectan principalmente ás capacidades sociais e de comunicación.
Facilitar o uso dos servizos sanitarios
As persoas con TEA teñen problemas á hora de expresar as súas dificultades e adoitan presentar especial sensibilidade aos ruídos, olores ou ao tacto, polo que é fundamental que os profesionais que os atenden nos centros de saúde coñezan estas características e poidan brindarlles unha atención de calidade.
Nun acordo pioneiro en Galicia, a Federación Autismo Galicia e a Facultade de Enfermería da Universidade de Santiago desenvolverán un programa de formación e sensibilización entre os estudantes do grao de enfermería e os usuarios do Centro de Día de Villestro de ASPANAES. Con este traballo conxunto, preténdese fomentar a familiarización entre os profesionais sanitarios e os pacientes con TEA para facilitar así o seu paso polos centros de saúde, un lugar que adoita resultar estresante e confuso para as persoas con autismo.
A decana da Facultade de Enfermería, María Jesús Núñez, destaca a colaboración da Consellería de Sanidade, que desde onte ten dispoñible na súa intranet un programa informático que permite crear frases con pictogramas para poder comunicarse adecuadamente cos pacientes con TEA.
O traballo como forma de plena inclusión
A plena participación social pasa necesariamente pola inclusión laboral, unha meta que require do compromiso de toda a sociedade. Baixo esta premisa, Autismo Galicia presenta o programa de formación en habilidades sociolaborais, que ten como obxectivo axudar ás persoas con TEA a desenvolver as súas capacidades organizativas e sociais de cara á súa inclusión nunha empresa ordinaria.
Esta formación está dirixida a apoiar o traballo dos preparadores laborais, os profesionais que buscan o posto de traballo adecuado ás capacidades da persoa, a forman e a acompañan ata que esta pode desenvolver o seu traballo diario de forma autónoma e eficaz. Deste xeito, a persoa con TEA pode lograr unha vida activa e independente que favorecerá o seu desenvolvemento persoal, tal como demostran anteriores experiencias de emprego de persoas con TEA en empresas ordinarias.
Sobre a Federación Autismo Galicia
É unha entidade sen ánimo de lucro, declarada de utilidade pública, que agrupa a 9 entidades que prestan servizos, integrais e específicos, dirixidos a persoas con Trastornos do Espectro do Autismo (TEA) e ás súas familias. Os destinatarios dos servizos da federación son as entidades galegas que desenvolven o seu labor coas persoas con TEA e coas súas familias e son membros da federación.
Forma parte da rede nacional da Confederación Autismo España, internacional Autismo Europa e traballa co CERMI Galicia e EAPN Galicia.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
