A segunda edición do Concurso de Tapas Casco Histórico de Viveiro serviu un total de 6.714 tapas en toda a fin de semana. A mellor tapa, que era a que votaba o público, foi a do Restaurante Casa Pepi (na fotografía) co seu “Solomillo al vino tinto”, conseguindo un 38 por cento dos votos. Seguido do Bar Normandy e o seu “Pulpo a la italiana” e o Mesón O Recuncho con “Mar de Cores”. En canto ás categorías votadas polo xurado, a mellor presentación foi para La Fragata coa súa tapa “Especial Fragata”, aínda que estivo moi reñida coa tapa do Restaurante O Muro e o seu “Espárrago Rock”. A categoría de mellor tapa tradicional cun toque innovador foi para o Mesón Xoquín e a súa tapa “Te conozco bacalao aunque vayas disfrazado”. Ademais, o cliente agraciado co premio do concurso é Jorge Mariño Guerreiro, que gaña 150 euros ó ter un mínimo de 6 casillas seladas.
