A xornada deu comezo en Ribadeo, donde as oito da mañá un fato de palanadores sedentos de se fartar da brevaxe dos deuses, subiron o bus que os iba transportar cara as terras do Salnés.
Algunha parada polo camiño para recoller a outros componentes e chegada puntual a Taberna de Cancela, o noso centro operativo dende o que, logo de probalo delicioso néctar servido por Abel, damos comezo o barathon de furanchos.
O sol xunguiuse a festa billardeira lucindo no alto. Os ollos dos palanadores non lle iban a zaga e por veces, mesmo semellaban co seu brilo, querer competir co astro rei.
Entre furancho e furancho a maña pasou lixeira e chegouse a hora do aberto ca ledicia e satisfacción do deber cumprido: “Beber alomenos tres cuncas de viño para poder participar”. Disque algúns, e penso que foi a maioría, logo da quinta xa perderon a conta e por non ir cunha de menos, botáronlle outra.
Do enfrontamento podemos resaltar que os do norte en ningún momento lle perdemos a cara ó partido e si temos en conta que un alto porcentaxe dos do sur non fixeron a obrigada peregrinaxe de furanchos senón que chegaron xusto á hora de comezo do encontro, madia leva, entón podemos dicir que o fixemos moito mellor do agardado. O ano pasado trouxemos o xerro e desta volta quedou en Xil, non poidemos retelo pero quédanos a certeza e a obriga de para o ano voltar a buscalo.
Agora toca rematala competición, no caso da conferencia NorLeste ca derradeira xornada de Remourelle o vindeiro 12 de maio, donde se coñeceran tódolos campións de conferencia do 2013 e tódolos clasificados para as finais do 23 de maio en Marrozos, Santiago de Compostela.