Este xoves día 25 emitiuse o primeiro programa da temporada en Radio Valadouro. Trátase do programa ‘Parolando’. Matías Nicieza entrevistou a Travieso, importante músico que actuará en Burela o vindeiro día 4 de maio. Sabela Quirós entrevistou a Juan Nécega, adestrador das rapazas do Lourenzá Ensino, que poden ascender en breve á Primeira División Nacional de baloncesto feminino. Finalmente, o coloquio que dirixe Pepe Peinó estivo dedicado ás radios locais, contando coa presenza como invitados de Juan Novás (director da Radio Valadouro) e Suso Vicente Mon (colaborador da que fora emisora de radio de Cervo no pasado, Radio Costa de Lugo). Suso Rubio levou o aspecto técnico do programa.
