‘Pensamento e sementeira’ é a nova agrupación socio-cultural que bota a andar na comarca, concretamente en Viveiro. As súas liñas de actuación serán: a defensa da nosa lingua e cultura, a recuperación da historia, o coñecemento e valorización do noso patrimonio, a difusión doutras realidades do Estado, do mundo árabe, latinoamericano… Para iso organizarán debates, charlas informativas, proxeccións ou viaxes. A súa primeira actividade será un acto informativo sobre a actual situación financeira (desafiuzamentos, estafas bancarias…) que terá lugar nos vindeiros días e que servirá de acto de presentación pública desta nova asociación.