As monitoras de Gaia impartiron hoxe unha charla aos alumnos de 2º de Bacharelato no IES Monte Castelo sobre a xestión eficiente dos residuos. Nesta actividade organizada dende a Concellería de Medio Ambiente de Burela explicouse aos alumnos os tipos de residuos que hai, facendo fincapé nos residuos domiciliarios. “Por xestión enténdese a recollida, clasificación, almacenamento, transporte e eliminación dos residuos. Con esta charla tratamos que os alumnos comprendan o complexo proceso de xestión e que se decaten do grave problema medioambiental que supón a gran cantidade de residuos domésticos que xeramos. Tamén se lles explicou como podemos actuar e a conveniencia de aplicar a regra das tres R: reducir, reciclar e reutilizar”, sinalaron desde a Concellería de Medio Ambiente.
