A Concellería de Cultura do Concello de Xove organizou para hoxe a segunda actuación dentro do Programa ‘Ler conta moito’, iniciativa dirixida ás Bibliotecas Públicas co fin de promocionar a lectura. Das tres actividades programadas polo Concello dentro de Ler Conta Moito, o pasado luns 29 de abril tiveron a primeira adicada aos rapaces/as do IES Illa de Sarón e hoxe a segunda, na que participaron alumnos/as dende 3 anos ata 4º de primaria do CEIP Pedro Caselles Rollán de Xove; concretamente foi o grupo Títeres Cachirulo que puxo en escena “Alicia no país das marabillas”.
