38 alumnos de 2º e 3º da ESO do Vilar Ponte acompañados por tres profesores, viaxaron a Oporto durante dous días para participar nun programa de actividades dentro do Proxecto Terra. O primeiro día acudiron á Fundación Serralves e tiveron a oportunidade de vela cidade de Oporto acompañados de guías que lles explicaron aspectos da historia e da arquitectura das principais edificacións; logo pernoctaron nun albergue na localidade de Espinho. Ao día seguinte visitaron a Casa da Música (foto de grupo), onde poideron participar en actividades interactivas relacionadas coa música.
