A ACD Penalba-Colectivo Chilindrín de Celeiro convoca por terceiro ano consecutivo un concurso para a realización do cartel da XVI edición da Festa da Merluza do Pincho. As categorías son dúas: infantil e adulto. A modalidade infantil cun premio de lote de libros e 200 euros para os adultos. Ademais, o cartel ganador dos adultos será o cartel oficial da XVI Festa da Merluza do Pincho de Celeiro, que se celebrará o 20 de xullo na Lonxa Vella do porto. As bases da convocatoria estarán a disposición dos interesados no Facebook (http://www.facebook.com/acdpenalba.colectivochilindrin) e remitiranse por correo electrónico a todos aqueles que o soliciten en colectivochilindrin@gmail.com.