Éxito da cea-gala que celebrou a SD Ribadeo con máis de 200 asistentes

Multitudinaria cena da Sociedade Deportiva Ribadeo, celebrada o sábado 18 de maio no hotel Voar e na que Germán Ángel Vale Varela, director deportivo da entidade, compartiu co xornalista Terio Carrera o papel de mestre de cerimonias. O comunicador da TVG foi unha das persoas ás que o club designou como socios de honor, xunto con Fran, ex-xogador do Deportivo; José Pulpeiro, presidente do Ribadeo FC; e Moncho Rodríguez, fundador da SD, que recibiron a mesma distinción.

Durante o transcurso da gala, con máis de 200 asistentes tamén se recoñeceu ó Ribadeo FC polos seus 100 anos de historia, e ó suplemento semanal Líder Lugo, representado por Javier Ferreiro. Ademais, premiouse ós xogadores da entidade anfitrioa máis destacados na última tempada, que foron os seguintes: Prieto (xuvenil), Martín (cadete), Diogo e Carlos (infantil), Saúl (alevín A), Adrián (alevín B), Borja (benxamín A), Fabio (benxamín B), Javi (benxamín C), Sergio (prebenxamín A) e Iago (prebenxamín B). Como mellor adestrador foi galardoado Óscar.

Ademais de Fran e Terio Carrera, no reparto de premios participaron dirixentes da SD Ribadeo, o vicepresidente da Deputación de Lugo, Antonio Veiga; o alcalde local, Fernando Suárez; o concelleiro de Deportes ribadense, Vicente Castro; e o Xefe Provincial de Deportes, Manolo Cadramón.