A Mesa solicitou a discriminación positiva do ensino no rural, fronte á problemática particular que sofre pola dispersión poboacional e o despoboamento paulatino, como vía para dignificar o medio rural e integrar a educación de calidade nun proxecto global de desenvolvemento do mundo rural galego.
Os representantes dos sindicatos educativos galegos demandaron un plan específico para a educación no rural centrado nun proceso educativo específico, un mapa escolar que garanta a adecuada dotación de medios das escolas rurais, frear o peche de centros e a redución de unidades ou o mantemento da ESO nos centros rurais.
O parlamentario socialista apoiou tamén as demandas destes representantes por canto á extensión do transporte público gratuíto ao bacharelato e FP no rural, así como ao mantemento da gratuidade dos comedores escolares, entre outras demandas.