As hostes laranxas responderon con pleno de acertos no periplo de Copas. Tras a vitoria na ida (2-0), na cita de Terceira División, o Burela FS Pescados Rubén B volveu impoñerse ao Pizzbur Cidade de Viveiro (4-8). Os xuvenís tamén fixeron os deberes con triunfo 3-6, na semifinal de ida.
A fase final da Copa de Terceira está prevista para o sábado 1 de xuño fronte ao gañador da semifinal entre Vilalba FS e 5 Coruña FS, que xogarán o encontro de volta o 25 de maio. Ata o momento a vantaxe é para os chairegos, que venceron na ida aos herculinos por 7-2.
Copa Terceira División-Semifinal de volta
Pizzbur Cidade de Viveiro 4-8 Burela FS Pescados Rubén B
Copa Nacional Xuvenil-Semifinal de ida
ADFS Bueu 3-6 Burela FS