Normal, como non! E chegarán as escusas para non cortalas:”Esa estrada é responsabilidade da Deputación”. Claro que é da Deputación!Pero na Deputación, como no resto das administracións, tamén hai crise. É máis, coa ASUNCIÓN POLO ENTE PROVINCIAL DAS COMPETENCIAS EN BENESTAR E SERVIZOS SOCIAIS QUE A XUNTA ABANDONOU Á SÚA SORTE, a corta das silveiras chegará polo menos pasada a metade do verán.
Pois ben, aquí boto unha idea da que poderían tomar nota no concello de Xove: NEGOCIAR algún intercambio coa Deputación. En Xove hai capacidade de maquinaria e de persoal para cortar as silveiras no mes de xuño e poderíase pedir algunha rebaixa dalgún imposto, algunha ampliación dalgunha subvención, pedirlle os cartos do custe que supón limpar as cunetas no concello… Algo! Pero deberíanse cortar as silveiras sen agardar a que remate o verán, que está moi ben que o Concello arranxe estradas de titularidade da Deputación para eliminar puntos negros (moi ben feito, por certo) e que non haxa
accidentes de tráfico. Pero isto entra en contradición co feito de que as silveiras cubran as estradas todo o verán, xa que esta situación provoca que toda a estrada sexa un punto negro.
Podendo evitalo, non valen escusas dicindo que é a Deputación quen ten que limpar os viais, que o Concello, igual que fai obras, tamén pode realizar o mantemento e limpeza das cunetas, se se quere, claro!
Carlos do Cristo