O pasado venres día 21 finalizaron os tres días de estancia dos alumnos do instituto “Illa de Sarón” de Xove en Alfoz, dentro do programa “Coñece Alfoz e o val do río Ouro, que organiza a ACIA de Alfoz. Foron tres días intensos, cunha chea de visitas e actividades deportivas, culturais e lúdicas. Mándovos varias fotos das actividades, nas que aparecen o paseo a cabalo por Carballido, a visita ós invernadoiros de Moucide (propiedade do actual alcalde do Valadouro), a visita á chapistería Irmáns Rega, o descenso en kaiak polo río Ouro e a obrigada visita ó castelo do Castro de Ouro.
