Un evento organizado polo Concello co obxectivo de “transmitir as nosas felicitacións ao San Román por una temporada excelente, na que loitaron ata o final e que tivo a súa mellor recompensa acadando un ansiado ascenso” tal e como asegurou o rexedor.
Villares destacou ademais que este logro foi posible grazas ao “esforzo, a entrega e a seriedade cos que o conxunto afronta cada partido” e lembra que o San Román leva “varios anos de duro traballo buscando este retorno á Segunda Rexional, e sempre quedando ás portas do ascenso por moi poucos puntos”. Por iso o rexedor valorou dobremente o éxito do San Román, “que nunca se deu por vencido e temporada tras temporada mantivo a ilusión”.
Ao mesmo tempo, o rexedor puxo de manifesto os seus mellores desexos para o equipo “de seguir colleitando éxitos e avanzar na súa escalada, agora cara á Primeira Autonómica”. Pola súa banda, os responsables do club aseguraron que o ascenso responde á unión entre xogadores, Xunta Directiva, afección e adestrador e a forte implicación de todos en cada encontro.