Os premios do VII Concurso de relatos curtos e debuxo convocado anualmente pola Asociación Cultural “Os Matos” cuxo lema foi “Doce meses, moitas paisaxes” foron entregados este xoves 20 de xuño na biblioteca do IES Perdouro. O presidente dos Matos, Antón Niñe; a coordinadora do EDL, Miruca Parga; e o director, Santiago Pérez, entregaron o diploma e uns agasallos aos premiados. As obras gañadoras, que se poden ler no número da revista escolar “Maruxía” deste curso, foron “Ril e a súa balea”, de Mirella Ramos (1º ESO) como primeiro premio da categoría de primeiro ciclo da ESO en relato curto; “Un Nadal en Burela” de Leticia De Pedro (1ºESO) como segundo premio da categoría; “Un día na invernal Rusia” de Víctor Cabarcos (3º ESO PDC) como primeiro premio da categoría de relato curto do segundo ciclo da ESO e “Nacín unha noite de marzo” de Alejandro Ramil (3º ESO PDC) como segundo premio do certame na categoría. Clara Iglesias (1º ESO) acadou o primeiro premio de debuxo por “Setembro” e Itziar García (1º ESO), o segundo, por “Collage Mar e Faro de Burela”.
