Esta pasada fin de semana, Trasbar estivo cargado de actividades organizadas pola Asociación de Veciños e dirixidas para o desfrute de todos. O sábado, o grupo teatral mindoniense “Érase unha vez – Xoldra” fixo que o público asistente disfrutase da obra “Fonda Lurditas”. A frescura, a simpatía e as gañas coa que agasallaron os actores e actrices fixo pensar no talento co que se achegan as xeracións.Tamén se celebrou o San Xoán cunha pancetada/chourizada que foi seguida da típica queima da fogata e da degustación dunha boa “queimada” de gratís para todos os asistentes e baile que se extendeu ata altas horas da madrugada.
